அம்பரா துணியில் 
உறங்கிக்கிடக்கின்றன அம்புகள்

ஆணைக்குரிய காலத்தை எதிர்நோக்கி... 
எப்போது எழுப்பப்படுவோம்.. 
மார்பில் பாய வேண்டுமா.., 
மரத்தில் பாய வேண்டுமா... 
இல்லை இலக்கில்லாமல்
காற்றில் பாய வேண்டுமா..
எதைப்பற்றியும் தெரியாது..!
தெரிந்து கொள்ளும் ஆர்வமுமில்லை...
ஏனென்றால்..
முதுகில் சுமந்து திரியும்
வேடனுக்கோ -
வீரனுக்கோ கூட தெரியாது...
இலக்கும் நேரமும் 

இறைகளாலும்

எதிரிகளாலும் 

தீர்மானிக்கப்படுகிறது..!!!

"ஆணைக்குரிய காலத்தை எதிர்நோக்கி... "- இந்த அணிகலனை சேர்த்து இந்த கவிதையை அழகூட்டியவர் எனது முக நூல் நண்பர் திரு அன்பு சிவன் அவர்கள்... அவருக்கு நன்றி...